Intervent fl-aħħar minuta mhux se jżomm kumpaniji milli jitilqu min Malta

Il-UHM Voice of the Workers kellha l-ewwel laqgħa uffiċċjali ma diriġenti ta’ Carlo Gavazzi, fejn il-kumpanija infurmat lill UHM li kienet se tagħlaq il-bibien tagħha fix- xhur li ġejjin.

Il-UHM se tkun qed tipparteċipa  f’numru ta’ laqgħat fil-ġimgħat li ġejjin sabiex jiġi stabbilit l-aħjar pakkett ta’ kundizzjonijiet għal dawn il-ħaddiema li se jkunu qed jitilfu xogħolhom. Barra min dan il-UHM Voice of the Workers se tkun qed taħdem mal-entitajiet governattivi konċernati sabiex tara li dawn il-ħaddiema  jinstabilhom impjieg alternattiv.

“Dan hu mument ta’ dieqa mhux biss għall-136 ħaddiem li tilfu xogħolhom, iżda għas-suq tax-xogħol kollu f’Malta. Il-UHM se tagħmel l-isforzi kollha possibbli biex dawn il-ħaddiema jieħdu dak li ħaqqhom u jkunu osservati l-klawżoli kollha tal-liġi li jirregolaw sitwazzjonijiet bħal dawn,” Josef Vella sostna. Żied jgħid li intervent tal-awtoritajiet  fl-aħħar minuta mhux se tibqa’ strateġija vijabbli. Pajjiżna għandu bżonn jara li mhux biss jattira iżda jżomm l-investiment.

Il-laqgħa mal-ħaddiema saret fi tmiem laqgħa mal-management tal-kumpanija li matulha l-union kienet notifikata uffiċjalment li Carlo Gavazzi kienet se ttemm l-operat tagħha f’Malta. Il-UHM tirrapreżenta 70 ħaddiem f’diversi gradi fosthom inġiniera, tekniċi, managers u klerikali