Maġġoranza ta’ Child Carers fil-UĦM

Illum intemmet il-verifika li saret f’numru ta’ Child Care Centres dwar liema union għandha rikonoxximent ewlieni ta’ Child Care Assistants fi ħdan il-Fondazzjoni għas-Servizzi Edukattivi (FES).

65 child carers ivvutaw f’din l-elezzjoni. Il-Union Ħaddiema Magħqudin (UĦM) saħqet li 55 fil-mija taċ-child carers ivvutaw għal din il-union. Għalhekk, issa l-UĦM qed tistenna li l-proċess dwar il-ftehim ikun jista’ jissokta mingħajr ebda dewmien ieħor.

Il-UĦM irringrazzjat lill-ħaddiema kollha li jaħdmu fil-FES, speċjalment lil dawk li wrew il-fiduċja f’din il-union.