Xufier tal-MPT jgħoddha b’waħda

Xufier tal-Malta Public Transport (MPT) jgħoddha b’waħda hekk kif ix-xarabank li kien fiha ħadet in-nar.

Il-każ seħħ dalgħodu għall-ħabta tal-10.10 a.m. meta x-xufier kien għadu kif startja x-xarabank. F’daqqa waħda kollega tax-xufier ġibditlu l-attenzjoni għax, x’aktarx kawża ta’ xi ħsarat, żviluppa nar mix-xarabank li malajr infirex.

Fil-pront issejħet fire engine mill-istazzjon tal-Furjana tad-Dipartiment tal-Protezzjoni Ċivili u l-pumpieri kkontrollaw in-nar.

Fortunatament ħadd ma weġġa’ fl-inċident.